Pre-parqui industrial
La rialidá paez un rompecabezas, y unu debi colocá-las piezas.
Los consejeros que llevan Industria y Mediu Ambienti (l'otru mediu ya acabarin con él) se reunierin el mes pasáu colos caporalis de la empresa EDP Renovables. La prensa diz que el Gubiernu de Cantabria ajirmará los proyeutos que EDP pretendi estalar en Campoo, Valdeprao y Valdolea, "siempre que se garantice el cumplimiento de todos los trámites legales que se exigen a este tipo de procedimientos".
Vamos a deprender un pocu mas atentu del cumplimientu de trámitis legalis que desigi esti tipu de prucidimientos. Un parqui eólicu tien de tener por lei un istudiu d'impautu ambiental atentu de dos clasis d'animalis que puein murir en él: los pájaros y los murciáganos. Hai una parti que si jaz desprimeru y puei desaconsejar la estalación si comprometi a dellas especiis prutigías a las que la lei ubliga a caltené-l contornu ondi vivin. La empresa que jaga l'istudiu tien de jacé-l siguimientu desprimeru por espáciu d'un añu, y si le estalación si jaz, han de llevar un siguimientu de muertis pa si a manu vien, aparar, desestalar u programá-l mulinu que sea pricisu.
Las empresas mediambientalis ofrecin siguimientu a las eólicas por un preciu baju pa veer de quedase col contratu, y aluegu vistin malquebien al santu
Conozo de primer manu l'asuntu: trebajé pa dos empresas siguiendo murciáganos y el siguimientu que mi pidierin en tal de durar un añu duró un día nel unu y dos del mesmu mes nel otru. Empresas que siguin a los pájaros un añu, peru que adelgazan el prisupuestu a juerza de siguí-lo mínimu a los murciáganos (que están toos prutigíos pola lei y muerin tantu u mas que los pájaros). La razón de tan poca seriedá nel siguimientu era que "no nos lo exigen".
Esti mesmu añu salió otra nuticia: La Asociación Naturalista de Aragón y Amigos de la Tierra Aragón bían susprindiuse del númeru tan baju de muertis que daban las empresas de siguimientu mediambiental en dos parquis eólicos, y dierin en jacer un siguimientu pola sú cuenta. Avisarin de los calabris que alcontraban al departamentu del gubiernu que los jacía recoger. Asina, pa un mesmu espaciu de tiempu y dos mesmos parquis, la empresa de siguimientu mediambiental contrataa pola empresa eólica daba 44 muertis, el Gubiernu d'Aragón -trés los avisos- daba 74, cuasi el dobli, y las asociacionis que si dierin el trebaju de jacé-l recuentu de la sú manu contarin 246 muertis, multiplicando por mas de 5 el númeru de la empresa. Cuasi naa. Cuentan tamién que n'unos parquis prósimos, otra empresa de siguimientu diz que la mortandá jue nula. Agüel a engañún.
Una razón, tampocu la única, de que el siguimientu arrisulti ser un fraudi, es el ajusti de los precios. Las empresas mediambientalis ofrecin siguimientu a las eólicas por un preciu baju pa veer de quedase col contratu, y aluegu vistin malquebien al santu. Llevan genti pocu preparáu, mal pagáu, el mínimu de tiempu pusibli, y los resultaos paecin mijoris. Ya ucurrió que jasta juerin susprindíos polos guardas iscundiendo nel monti bolsas con butris muertos. Práticas d'empresa que ponin fácil el siguienti contratu, sigún paez.
La Aministración, del Estáu u de cada cumunidá, dibía jacer un control de calidá d'esos trebajos, peru se conforma colo primeru que li den. En Cantabria pasa eso, y las empresas apresentan istudios de campu jechos ensin ber salíu de la uficina ensin que el Gubirnucu lis pida cuentas.
Intiendo que el Consejeru d'Industria se junti con una empresa eólica y busqui intindimientu. Lo que veo de difícil intindimientu es que otru consejeru, el de Mediu Ambienti, puea dicili a una empresa que jará too lo que quedi de la sú manu pa sacar adelanti unos parquis eólicos. Porque él es responsabli delanti del pueblu que lu vota (mal dichu) de la proteición del contornu natural. Él debi desigir a las empresas que den garantías, no las empresas a él. Si poner un parqui eólicu comprometi a dellas especiis sinsiblis y prutigías por lei, él es quin debi dicir a las empresas que no. Cobra por esi trebaju (el de dali un consejeru garantías a una empresa no sé si estará tasáu). Y dibía desigir istudios serios, y jacer casu d'ellos, es una ubligación que li desigi el sú puestu.
Porque una cosa es lo que mos cuentan, y otra la rialidá. La rialidá tien muchas piezas que montar, y aquí tenemos mui güenas piezas, cumu pa andamos con muchu cuidu.